En palabras de Manuel Pazos, voceiro municipal do PSOE “Na nosa opinión este é o momento de plantexar un proxecto que aborde e integre todo o espazo entre a Avda. Otero Ulloa e o Camiño Vello. É mellor agardar e poder plantexar un proxecto serio e meditado que levar a cabo unha obra que ten moitas carencias.”
Tras meses de espera, o Partido Socialista tivo ocasión de debatir co grupo de goberno sobre a obra proxectada para o entorno da praza de abastos de Seixo, entre Otero Ulloa e o Camiño Vello.
Dende o PSOE presentamos unha proposta para que a obra abordase de xeito global todo un espazo tan importante como o existente no entorno da praza de abastos de Seixo, adquirindo a edificación en ruinas que se atopa nese vial e permitindo así un tratamento integral de toda a rúa e non só dunha parte da mesma.
A solución de poñer unha pequena praza a nivel de 265m2, cun peche perimetral en tres dos seus catro lados, na nosa opinión introduce máis barreiras das que elimina e condiciona o futuro dese espazo ao dificultar unha posterior integración da edificación en ruinas que alí se atopa.
O plantexamento integral presentado polo PSOE, onde se plantexaba tamén a incorporación de tres parcelas adicadas a aparcamento no entorno, parece do agrado do equipo de goberno pero non o quere levar a cabo porque considera que agora retrasaría unha obra que xa ten proxecto e para a que queren conseguir fondos da Deputación de Pontevedra.
A obra ten un orzamento aproximado de 650.000€, pero consideramos que non adicar uns 150.000€ para adquirir a edificación en ruinas é un erro. Esa compra permitiría a apertura do espazo cara a Otero Ulloa, recuperando boa parte das vistas sobre a ría que alí existen e permitindo a instalación dunha marquesina para autobuses inexistente agora mesmo en Seixo.
https://pontevedraviva.com/xeral/73610/marin-psoe-obra-plaza-seixo-oportunidad-perdida/?lang=es
HABITAR MARÍN 